7 de novembro de 2014

Hercle na Feira de Asociacións

A Asociación Hercle participou por primeira vez na Feira de Asociacións da Universidade da Coruña.

A pesar de que dende o principio da actividade hai 25 anos Hercle apostou claramente pola actividade universitaria, non foi ata este ano que os Estatutos recolleron este especial vencello entre Hercle e a Universidade.

De feito a mesa das actividades tiña como parte central unha camisola do equipo de béisbol da Universidade de 1991.

O béisbol e o jugger foron os xogos promocionados polos membros de Hercle que acudiron á feira. Asistiron á mesma o vicepresidente, o secretario e o tesoureiro da entidade.

Grazas ao proxector o stand da Asociación foi dos mais comentados da Feira.

29 de outubro de 2014

Actividades no Samain

Aínda a espera de recibir os novos estatutos, Hercle pon en marcha as súas novas actividades en colaboura coas asociacións Palaestra e INCUDE. Aproveitamos as datas do Samaín (noite do 31 de outubro ao 1 de novembro).

Mércores 29

Aproveitando a celebración da Festa do Cine que remata este mércores a proposta de Hercle é ir ao cine pola noite, en Espacio Coruña cando remate a Escola Universitaria de Xadrez, que se desnvolve en Elviña de 19,30 a 21,30.

Xoves 30

Nova xuntanza do grupo de xestión de entidades de ASENCUDEGA.

Venres 31

E mais cine. Aproveitando nesta ocasión A CORUÑA FILM, recomendamos asistir ao MARATÓN DE CORTOS. Palmarés de Notodofilmfest (17:30h.) e Finalistas Premios Gaudí (18:30h.). Isto é no AGORA

Mais tarde de 20,00 a 21,30 celebraremos o Torneo FischerRandom no CUR.

Sábado 1

Sábado pola mañán; breve actividade de sendeirismo. (Pendente da previsión do tempo, que parece empeorar)
Pola tarde proxeccións no Agora ou ben partido de béisbol ou jugger.

Domingo 2

Pola mañán visita ao Museo Militar ou ao Museo de Belas Artes da Coruña
Pola tarde torneo de Age of Empires en Sada.

19 de outubro de 2014

Tino Fernández entrega os premios do Concurso de Relatos

O presidente do Real Club Deportivo, Tino Fernández, fixo entrega do novo libro editado por Asencudega aos gañadores sub18 do concurso de relatos convocado por esta federación da que Hercle forma parte.

A entrega físoxe na entrada de autoridades do Estadio minutos antes do partido contra o Valencia (3-0).

Hercle colaborou no concurso e vemos que os premiados, a súa familia e o presidente do Depor posaron diante dun cartel na que aparece o noso web.


1 de outubro de 2014

Novos estatutos e nova xunta directiva

Hercle é unha entidade sen fins lucrativos que pretende fomentar a cultura e o deporte.
O seu nacemento data do ano 1989 na cidade da Coruña, cando un conxunto de rapaces con certas inquedanzas deciden pórse de acordo para formar unha asociación que promova as súas iniciativas no terreo cultural e deportivo.
Pasados 25 anos da súa creación, os noutrora orixinais proxectos e as súas numerosas propostas son xa un recordo.  Neste momento, Hercle renace para facer prosperar novas iniciativas tanto en diversas modalidades deportivas como do eido cultural.
Aproveitando o legado e experiencia que os fundadores deixan nesta entidade, unha nova xeración de estudantes da Universidade da Coruña pretenden  dispoñer e dinamizar esta asociación.

A Asociación Hercle marcou na súa fundación como obxecto da mesma o de “proporcionar aos seus asociados distraccións culturais e deportivas”. Confírmase este obxectivo engadindo expresamente a prioridade das actuacións destinadas á comunidade universitaria coruñesa.
Serán prioridades da Asociación Hercle as seguintes:
Cultura: a protección do patrimonio histórico, cultural e medioambiental, a promoción dos coñecementos literarios e lingüísticos, a defensa do europeísmo e dos intercambios culturais e educativos internacionais.
Deportes: a promoción dos deportes minoritarios, como o béisbol e outras  modalidades deportivas que teñan pouca difusión.
Xuventude: Enténdese que como entidade de carácter prioritariamente universitario a maioría das actividades da entidade estarán enfocadas aos menores de trinta anos, funcionando como entidade prestadora de servicios á xuventude.

Nova Xunta Directiva

Presidente: J. Alberto Ortega
Vicepresidente: Isidro Alfaro
Secretario: Luis Rodríguez
Tesoureiro: Dani Mayo
Vogal: Juan Suárez

18 de agosto de 2014

Asemblea de Hercle

Asemblea Extraordinaria da Asociación Hercle.
Lugar: Centro Universitario de Riazor
Data: 3 de setembro de 2014
Hora: 19,30

2 de agosto de 2014

Concurso de fotografía

A Asociación Palaestra e a Asociación de Iniciativas Culturais e Deportivas Universitarias (INCUDE) colaboran nun concurso de fotografía baseado nos cambios experimentados na cidade da Coruña.

A idea é que os afeizoados a fotografía realicen unha fotografía no mesmo lugar que aparece na foto, de forma que se premiará á mellor serie de fotografías que reflexen este cambio.

Cada dous días publicaremos dúas fotografías totalizando coa de hoxe un total de 21 e loxicamente algunhas delas non serán moi doadas de situar na cidade de hoxe.

Buscamos deste xeito que a xente coñeza mais a historia recente da cidade e que valore os cambios arquitectónicos e urbanísticos entre A Coruña do século XX e a do século XXI.

As fotografías poden remitirse a incude@udc.es ata o 30 de setembro de 2014.

Coas fotografías realizarase un pequeno libro e una exposición. Ademais haberá os seguintes premios:

1º PREMIO: Trofeo, libro e 100 €
2º PREMIO: Trofeo, libro e 50 €
3º PREMIO: Trofeo, libro e 25 €